Les mots surlignés font l'objet d'une note
1Monsieur de Gordes, estant monsieur de St Jalle icy au près de moy où comme
2vous scavez telz personnaiges que luy me sont très nécessaires et
3ne pouvant à ceste occasion se trouver à l’assemblée des troys estatz
4de Daulphiné, je vous ay bien voullu prier par ceste lettre faire
5tant pour l’amour de moy qu’il en soit (escusé) et que l’on ne le
6taxe comme l’on a acoustumé de faire ceulx qui ne s’y trouvent. J’en
7escrips ung petit mot ausdits estatz et m’asseure que pour
8peu qu’il vous plaise d’en parler, ilz m’accorderont très
9vollentiers la requeste que je leur en fais ; ce que me
10promectant de votre bonne vollunté et n’estant la présente pour
11aultre occasion, me recommanderay sur ce bien affectueusement à
12votre bonne grâce, priant le Créateur qu’il vous doinct
13Monsieur de Gordes, en parfaicte santé, bonne et longue vye.
14Escript à beaucayre, ce XXIIIIe novembre 1572
15Votre plus affectionné et parfaict amy
16H de Montmorancy